ABŞ bu ölkənin vətəndaşlarına viza verilməsini dayandırdı

ABŞ hökuməti Əfqanıstan vətəndaşlarına viza verilməsini dayandırmaq qərarına gəlib.
Yeniavaz.com xəbər verir ki, bu barədə ABŞ dövlət katibi Marko Rubio məlumat verib.
Dövlət katibi bu qərarı təhlükəsizlik mülahizələri ilə izah edib.
“ABŞ Prezident Donald Trampın Dövlət Departamenti Əfqanıstan pasportu ilə səyahət edən bütün səyahətçilər üçün vizaları dayandırıb. ABŞ üçün ölkəmizi və xalqımızı qorumaqdan daha vacib vəzifə yoxdur”, - Rubio bildirib.
Qeyd edək ki, noyabrın 26-da bir nəfər Vaşinqtonun mərkəzində, Admiral Devid Farraqut parkının yaxınlığında Milli Qvardiyanın əsgərlərinə atəş açıb. Hadisə yeri Ağ Evdən təxminən 300 metr məsafəsində yerləşir. Silahlı şəxs və iki Milli Qvardiyanın əsgəri yaralanaraq xəstəxanaya yerləşdirilib. Əsgərlərdən biri daha sonra dünyasını dəyişib. Daxili Təhlükəsizlik Naziri Kristi Noem bildirib ki, şübhəli şəxs 2021-ci ildə Amerika qoşunlarının ölkədən çıxarılmasından sonra Müttəfiqlərin Qəbul Proqramı çərçivəsində Əfqanıstandan ABŞ-yə gəlib.