Honq-Konqun Tai Po bölgəsindəki “Wan Fook Court” yaşayış kompleksində yanğın baş verib.
Yeniavaz.com xəbər verir ki, bu barədə şəhər polisi məlumat yayıb.
“South China Morning Post”un məlumatına görə, 12 nəfər ölüb, daha 16 nəfər xəstəxanaya yerləşdirilib.
Bildirilib ki, yanğına ən yüksək olan beşinci səviyyə şamil edilib. Kompleks sakinlərinin əksəriyyəti yanan binalardan təxliyə edilib.
Yanğınla mübarizəyə ümumilikdə 767 yanğınsöndürən, 400 polis, 128 yanğınsöndürən maşın və 57 təcili tibbi yardım maşını cəlb olunub.
Bütün səylərə baxmayaraq, yanğın hələ də söndürülməyib.
Yanğının səbəbi barədə hələlik məlumat verilmir.
Qeyd edilib ki, kompleksdə 2000-ə yaxın mənzil var və təxminən 4000 sakin yaşayır.
Tətbiqimizi yükləyə bilərsiniz
