“YouTube” təxminən altı il əvvəl ləğv etdiyi birbaşa mesajlaşma (DM) funksiyasını geri qaytarmaq üçün yeni sınaq mərhələsinin başladığını elan edib.
Yeniavaz.com xəbər verir ki, şirkətin yaydığı məlumata görə, istifadəçilərin platformada ən çox tələb etdiyi məhz bu funksiyadır.
Qeyd olunub ki, şirkət hələlik bu funksiyanı “birbaşa mesajlaşma” adlandırmasa da, istifadəçilər eyni proqram vasitəsilə bəyəndikləri videoları (uzun videolar, “Shorts” və canlı yayımlar) paylaşa və söhbətləşə biləcəklər.
Yeni mesajlaşma funksiyası hazırda yalnız İrlandiya və Polşada sınaqdan keçirilir.
“18 və daha yuxarı yaşda olan istifadəçilər test mərhələsində bu funksiyadan istifadə edə biləcəklər. Bundan sonra ümumi rəy əsasında onun qlobal miqyasda yayılmasına qərar veriləcək”, - şirkətdən bildirilib.
Tətbiqimizi yükləyə bilərsiniz
