İspaniya Ukraynaya 615 milyon avroluq yeni hərbi yardım paketi ayıracaq

Bir ay ərzində İspaniya Ukraynaya ümumi dəyəri 615 milyon avro olan yeni yardım paketini qəbul edəcək.
Yeniavaz.com xəbər verir ki, bu barədə İspaniyanın Baş naziri Pedro Sançes Ukrayna Prezidenti Volodimir Zelenski ilə birgə mətbuat konfransı zamanı bildirib.
“Bu paketə Ukraynanın maddi təhlükəsizliyini təmin etməyi öhdəmizə götürdüyümüz 1 milyard avroluq müqaviləmizin bir hissəsi kimi silahlar üçün 300 milyon avro daxil olacaq. 100 milyon avro NATO-nun PURL proqramına gedəcək. Bu proqram Ukrayna Silahlı Qüvvələrinin ehtiyac duyduğu müdafiə sistemlərinin təcili alınmasını maliyyələşdirəcək. Dron əleyhinə sistemlərin və radarların istehsalını maliyyələşdirən SAFE vasitəsilə 215 milyon avro. Bu məhsulların bir çoxu İspaniya şirkətləri tərəfindən istehsal olunur”, - Sançes deyib.
O əlavə edib ki, İspaniya bu paketə əlavə olaraq Ukraynaya yardım üçün 200 milyon avro cəlb etməklə yeni maliyyə aləti təqdim etməyi də planlaşdırır. O qeyd edib ki, layihə Ukraynanın yenidən qurulmasına yönələcək.