Florentino Peres 2026-cı ildə İspaniyanın “Real Madrid” futbol klubunun prezidenti vəzifəsindən getməyə qərar verib.
Yeniavaz.com xəbər verir ki, bu barədə jurnalist Pepe Alvares sosial şəbəkədəki səhifəsində məlumat verib.
2025-ci ilin yanvarında Peres yenidən “Real Madrid”in prezidenti seçilib. Onun səlahiyyət müddəti 2028-ci ildə başa çatır. Mənbənin sözlərinə görə, Peres klub üzvlərinin referendumu dəstəkləməsindən asılı olmayaraq hakimiyyətin nizamlı şəkildə ötürülməsini görmək istəyir.
78 yaşlı Peres ilk dəfə 2000-ci ildə “Real Madrid”in prezidenti olub və altı il bu vəzifədə olub. 2009-cu ildə o, yeni müddətə rəqibsiz olaraq yenidən seçildi. Onun fəaliyyəti dövründə klub yeddi Çempionlar Liqası, yeddi İspaniya liqasının qalibi, yeddi İspaniya Superkuboku, altı UEFA Super Kuboku, beş FIFA Klublararası Dünya Kuboku, üç Kral Kuboku və iki Qitələrarası Kubok qazandı.
Tətbiqimizi yükləyə bilərsiniz
