Ronaldo qırmızı vərəqə aldı, Portuqaliya uduzdu – Video

Millətlər Liqasının qalibi Portuqaliya Dünya Çempionatının seçmə mərhələsinin V turunda Dublində İrlandiyaya 0:2 hesabı ilə uduzub.
Yeniavaz.com xəbər verir ki, hesabı 17-ci dəqiqədə “AZ Alkmaar” (Niderland) klubunun hücumçusu Troy Parrott açıb.
O, 45-ci dəqiqədə ikinci dəfə fərqlənib.
61-ci dəqiqədə Səudiyyə Ərəbistanının “Əl Nəsr” klubunun 40 yaşlı hücumçusu Portuqaliya yığmasının kapitanı Kriştiano Ronaldo rəqibinə dirsək vurduğuna görə birbaşa qırmızı vərəqə alıb.
Qeyd edək ki, Portuqaliya 10 xalla F qrupuna başçılıq edir və ikinci yerdə olan Macarıstanı iki xal qabaqlayır. İrlandiya 7 xalla üçüncüdür, Ermənistan isə 3 xalla sonuncudur.