Noyabrın 11-də Gürcüstanda qəza nəticəsində həlak olan Türkiyə əsgərlərinin nəşləri Türkiyəyə göndərilib.
Yeniavaz.com xəbər verir ki, şəhidlərin qalıqları məhkəmə ekspertizasından sonra axşam Tbilisi Beynəlxalq Hava Limanına planlaşdırılmış hərbi təyyarəyə yerləşdirilib.
Təyyarənin təxminən bir saat sonra Ankaraya çatacağı gözlənilir.
Ədli Tibb Qurumunda aparılan əməliyyatlardan sonra şəhidlərin cənazələri səhər saatlarında Ankaraya təhvil verilərək mərasimlə evlərinə göndəriləcək.
Xatırladaq ki, noyabrın 11-də Türkiyə Silahlı Qüvvələrinə məxsus, içərisində 20 nəfərin olduğu C130 hərbi yük təyyarəsi Azərbaycan-Gürcüstan sərhədində qəzaya uğrayıb. Təyyarənin düşdüyü ərazidə axtarış işləri aparılıb.
Tətbiqimizi yükləyə bilərsiniz
