“Fransa ABŞ-yə çinlilərdən daha pis münasibət göstərir” – Tramp

ABŞ Prezidenti Donald Tramp etiraf edib ki, Fransa rəhbərliyi onun ölkəsinə qarşı çinlilərdən daha yaxşı münasibət göstərmir.
Yeniavaz.com xəbər verir ki, bu barədə o, “Fox News” telekanalına verdiyi müsahibədə danışıb.
Tramp müsahibə zamanı qeyd edib ki, Amerika hökuməti Çindən gələn tələbələrin ölkədə təhsil almasına mane olmayacaq. “Mən dünya ilə anlaşmaq istəyirəm,” – deyə prezident bildirib.
Aparıcının Çin hökumətini ABŞ-dən “intellektual mülkiyyət oğurluğunda” ittiham etməsinə cavab olaraq Tramp Fransa ilə münasibətləri də tənqid edib: “Və sizcə fransızlar daha yaxşıdır? Doğrudanmı? Deyərdim ki, o qədər də əmin olmayacağam. Fransızlarla çox problemimiz var, onlar texnologiyamıza ədalətsiz vergi qoydular, Amerika məhsullarına 25 faiz vergi tətbiq etdilər”.
Ağ Ev rəhbəri əlavə edib ki, bir çox müttəfiqlər ABŞ ilə ticarətdən Çindən daha çox faydalanır.