Yevlaxın Salahlı kəndində yerləşən orta məktəb qəzalı vəziyyətdədir.
Yeniavaz.com xəbər verir ki, bu barədə “Xəzər Xəbər” videomaterial hazırlayıb.
Bildirilib ki, 400-dən çox şagirdin təhsil aldığı orta məktəbdə yaranmış vəziyyət valideynlərin narahtlığına səbəb olub:
“Sakinlər bildirir ki, dam örtüyünün külək qoparan hissəsində yerləşən siniflər yağış yağan zaman su içində olur. Şagirdlərin rahat dərs keçməsi demək olar ki, mümkünsüzləşir.Təbiət hadisəsinin yaradığı fəsaddan sonra məktəbin 7 sinfi bağlanıb, şagirdlər dəhlizdə dərs keçmək məcburiyyətində qalıblar.
Salahlı kənd sakinləri küləkli, yağışlı havalarda uşaqlarını məktəbdən saxlamaq məcburiyyətində qalırlar. Onlar təhsil ocağında baş verə biləcək təhlükədən daha çox ehtiyyat edərək belə addım atdıqlarını bildiriblər”.
Salahlı kənd orta məktəbində küləkdən sonra yaranan çətinliyin nə vaxt aradan qaldırlacağını öyrənmək üçün adiyyəti qurumlara sorğu ünvanlanıb.
Mərkəzi Aran Regional Təhsil İdarəsindən sorğuya cavab olaraq bildirildi ki, Yevlax rayonu, Bəylər Alıyev adına Salahlı kənd tam orta ümumtəhsil məktəbinin dam örtüyünün külək nəticəsində zədələnməsi ilə bağlı daxil olmuş müraciətlər Mərkəzi Aran Regional Təhsil İdarəsi tərəfindən diqqətə alınıb:
“Məsələ qısa zaman ərzində həll ediləcək”.
Ətraflı videomaterialı təqdim edirik:
Tətbiqimizi yükləyə bilərsiniz
