Serbiyada ötən il həlak olanların xatirəsi yad edildi − 16 dəqiqəlik sükut

Serbiyada yenidən genişmiqyaslı küçə etirazları başlayıb.
Yeniavaz.com xəbər verir ki, buna səbəb ötən il baş verən faciə olub. 
Bir il əvvəl, 2024-cü il noyabrın 1-də Serbiyanın Novi Sad şəhərində dəmiryol vağzalının girişi üzərində beton örtüyün çökmüş, 16 nəfər həlak olmuşdu. Bu qəza Serbiyada tələbələrin kütləvi etirazlarına səbəb olub. Etirazçılar mütəmadi olaraq küçələrə çıxaraq təkcə günahkarların cəzalandırılmasını deyil, həm də ölkə rəhbərliyinin istefasını tələb edirlər.
Bu gün, hadisənin anım günündə Novi Sadda minlərlə vətəndaş stansiyanın yaxınlığında anım mitinqinə toplaşıb. Saat 11:52-də (çadırın çökdüyü vaxt) qurbanların xatirəsi 16 dəqiqəlik sükutla yad edilib.