“Apple” bütün qadcetlərindən düymələri yığışdırmağı planlaşdırır

“Apple” təkcə gələcək “iPhone” nəsillərində deyil, həm də digər “Apple” cihazlarında ənənəvi mexaniki düymələrdən imtina etməyə hazırlaşır.
Yeniavaz.com xəbər verir ki, bu barədə “Setsuna Digital” insayderinə istinadən “GizmoChina” məlumat yayıb.
Mənbənin sözlərinə görə, 2027-ci ildə “iPhone 20”nin buraxılışı ilə “Apple” yandırma düyməsi, səs səviyyəsini tənzimləyən, funksiya düymələri və kamera idarəetmələri üçün olan düymələri kütləvi yığışdırmaq etmək niyyətindədir. Onlar hərəkət edən komponentlərdən istifadə etmədən mexaniki klikin toxunma hissini simulyasiya edən təzyiq sensorları və yerli vibrasiya texnologiyasına əsaslanacaq.
Keçid mərhələli olacaq. 2026-cı ildə gözlənilən “iPhone 18” modelində şirkət kamera düyməsini sadələşdirərək onu təzyiqə həssaslığı dəstəkləyən kapasitiv təbəqə ilə əvəz edə bilər. 
Daxildə “Bongo kod” adı ilə tanınan layihə etibarlılığı artırmaq və təsadüfi toxunuşları aradan qaldırmaq məqsədi daşıyır. Mexanik aşınma olmadan istehsalçı güclə basma jestlərindən tutmuş düymə sahəsi boyunca sürüşdürməyə qədər təkmilləşdirilmiş davamlılıq və genişləndirilmiş idarəetmə variantlarını gözləyir.
Sənaye analitiklərinin fikrincə, fiziki düymələrin istifadəsi tədricən bütün “Apple” ekosistemindən, o cümlədən gələcək “iPad” və “Apple Watch” modellərindən yığışdırıla bilər.