Türkiyənin Balıkəsir vilayətində 6,1 bal gücündə zəlzələ meydana gəlib.
Yeniavaz.com ölkə mətbuatına istinadla xəbər verir ki, təbii fəlakət vilayətin Sındırqı rayonunda qeydə alınıb.
Fövqəladə Halların İdarə Olunması Agentliyinin (AFAD) yaydığı məlumata görə, daha sonra eyni ərazidə 4,2 4,0 və 3,9 bal gücündə zəlzələlər qeydə alınıb.
Bildirilir ki, sarsıntılar İstanbul və İzmir vilayətlərində də hiss edilib.
Daxili işlər naziri Ali Yerlikaya bildirib ki, daha əvvəlki zəlzələlər zamanı qəzalı vəziyyətə düşmüş 3 bina ilə iki mərtəbəli obyekt zəlzələ zamanı uçub.
Türkiyənin səhiyyə naziri Kamal Məmişoğlu bildirib ki, zəlzələdən zərər çəkən 19 nəfərdən 4-ü artıq evə buraxılıb.
Tətbiqimizi yükləyə bilərsiniz
