Son bir il ərzində Böyük Britaniyada 262 məhbus təsadüfən azad edilib.
Yeniavaz.com xəbər verir ki, bu barədə “Sky News” məlumat yayıb.
Bildirilib ki, bu rəqəm 2024-cü il statistikasından iki dəfə çoxdur. Səhvən azad edilənlər arasında 14 yaşlı qıza təcavüz edən şəxs də var. Efiopiyalı miqrant deportasiya edilməli idi, lakin həbsxanadan köçürülərkən yoxa çıxdı. Hazırda polis onu axtarır.
Qeyd edilib ki, problem qeyri-qanuni mühacirlərin böyük axını ilə daha da dərinləşir. Hazırda rəsmi icazə olmadan ölkəyə gələn təxminən 32 min insan Britaniya otellərində qalır. Onların saxlanması ölkəyə ildə 4 milyard funt-sterlinqə başa gəlir.
Britaniya hakimiyyəti 2029-cu ilə qədər miqrantların otellərdə yerləşdirilməsini dayandırmaq istəyir. Lakin vəziyyət getdikcə pisləşir – 2025-ci ildə Manş boğazını rekord sayda insan keçib.
Tətbiqimizi yükləyə bilərsiniz
