Leps qalmaqallı konsertdən sonra xəstəxanaya yerləşdirildi

Rusiyanın xalq artisti Qriqori Leps oktyabrın 19-da Vladivostokda keçirilən qalmaqallı konsertdən sonra xəstəxanaya yerləşdirilib.
Yeniavaz.com xəbər verir ki, müğənni ağır zəhərlənmə ilə əlaqədar Moskvanın Botkin xəstəxanasına tibbi yardım üçün müraciət edib.
63 yaşlı ifaçının vəziyyətinin ağır olduğu bildirilir. Mətbuat orqanları sənətçinin qastrol səfərinin dayandırıldığını bildirib.
Qeyd edək ki, bir çox tamaşaçı sənətçinin səhnədəki davranışından şikayət edib. Bildirilib ki, tədbirin yaş həddi 12+ olmasına baxmayaraq, o, səhnədə siqaret çəkib, söyüş söyürdü.
Mübahisəli çıxışdan sonra Rusiyanın Təhlükəsizlik və Korrupsiyaya Qarşı Mübarizə üzrə Federal Layihənin rəhbəri Vitali Borodin Rusiya Federasiyasının xalq artistini tənqid edib. O, ulduzu keçmiş Rusiyanın lideri Boris Yeltsinlə müqayisə edərək, davranışına görə “stop list”ə salınmasını istəyib.