Fransanın Lanqr şəhərindəki Deni Didro Muzeyi qarət edilib.
Yeniavaz.com xəbər verir ki, bu barədə “Le Figaro” məlumat yayıb.
Bildirilib ki, təxminən 90 min avro dəyərində 18-19-cu əsrlərə aid qızıl və gümüş sikkələr oğurlanıb.
Digər eksponatlar və sənət əşyaları toxunulmayıb. Məqalədə qeyd olunur ki, quldurlar muzeyin bazar ertəsi bağlanmasından istifadə edərək oktyabrın 19-dan 20-nə keçən gecə içəri giriblər.
Müstəntiqlər bunu diqqətlə planlaşdırılmış soyğunçuluq adlandırırlar.
Qeyd edək ki, Luvr soyğunçuluğu ötən bazar günü baş verib. Oğurlanan qızıl-zinət əşyaları sığortalanmayıb. Oğrular Apollon Qalereyasına girərək bir neçə dəqiqə ərzində doqquz tarixi əsəri oğurlayıblar. İlkin hesablamalara görə, oğurlanmış əşyaların dəyəri 88 milyon avro təşkil edir.
Tətbiqimizi yükləyə bilərsiniz
