NATO-nun keçmiş baş katibi (2014-2024) və Norveçin maliyyə naziri Yens Stoltenberq səlahiyyət müddətini başa vurduqdan sonra Münhen Təhlükəsizlik Konfransına (MSC) sədrlik edəcək.
Yeniavaz.com xəbər verir ki, bu barədə forumun yaydığı bəyanatda deyilir.
“Biz bununla bağlı konkret müddət təyin etməmişik. O vaxta qədər Münhen Təhlükəsizlik Konfransı Fondunun nizamnaməsinə uyğun olaraq, səfir Volfqanq İşinqer sədr kimi fəaliyyətini davam etdirəcək. Münhen Təhlükəsizlik Konfransının sükanı arxasında gələcək roluna hazırlaşmaq üçün Yens Stoltenberq noyabrın 2-də MSC02 Fondunun İdarə Heyətinə qoşulacaq”, - məlumatda deyilir.
“Hər kəsin bildiyi kimi, bu ilin əvvəlində Norveçin Baş naziri Conas Qahr Stor məni öz hökumətinə dəvət edəndə MSC-yə qoşulmaq planlarımı dəyişməli oldum. MSC-yə sədrlik etmək öhdəliyim dəyişməz olaraq qalır. Mən indi MSC Foundation İdarə Heyətinə qoşulmağı və Norveçdə hökumət xidmətimi başa vurduqdan sonra sədr fəaliyyətinə başlamağı səbirsizliklə gözləyirəm”, - Stoltenberq vurğulayıb.
NATO-nun keçmiş baş katibi əvvəlcə bu ilin fevral ayının ortalarında Münhen Təhlükəsizlik Konfransının sədri vəzifəsində sələfi Kristof Heusgeni əvəz etməli idi, lakin Norveçin Baş naziri Conas Qahr Stor ona öz kabinetində maliyyə naziri vəzifəsini təklif etdikdən sonra bu fikirdən imtina etdi. MSC-nin sədrliyi o vaxtdan onun müavinləri Benedikt Franke və Rainer Rudolf tərəfindən icra edilib. İşinger 2009-2022-ci illərdə Münhen Təhlükəsizlik Konfransının sədri vəzifəsində çalışıb.
62-ci Münhen Təhlükəsizlik Konfransı 2026-cı il fevralın 13-dən 15-dək keçiriləcək.
Tətbiqimizi yükləyə bilərsiniz
