Rusiya və ABŞ prezidentləri Vladimir Putin və Donald Tramp arasında telefon danışığı razılıq əldə olunan kimi baş tutacaq.
Yeniavaz.com xəbər verir ki, bu barədə Rusiya Prezidentinin mətbuat katibi Dmitri Peskov jurnalistlərin Trampın Putinlə “Tomahawk” raketləri ilə bağlı mümkün söhbəti ilə bağlı açıqlamasına dair suallarına cavab olaraq bildirib.
“Telefon danışığı ilə bağlı hələ dəqiq razılaşmalar yoxdur. Bu razılaşmalar olan kimi söhbət baş tutacaq”, - Peskov qeyd edib.
Qeyd edək ki, Tramp daha əvvəl jurnalistlərə demişdi ki, o, Putinlə Ukraynaya mümkün “Tomahawk” raket tədarükünü müzakirə edə bilər. ABŞ prezidentinin sözlərinə görə, Ukrayna münaqişəsi həll olunmazsa, Vaşinqton bu raketləri Ukrayna Silahlı Qüvvələrinə verə bilər.
Tətbiqimizi yükləyə bilərsiniz
