Ukrayna Prezidenti Volodimir Zelenski amerikalı həmkarı Donald Trampla danışdığını bildirib.
Yeniavaz.com xəbər verir ki, o, bu barədə rəsmi “Telegram” kanalında məlumat verib.
Onun sözlərinə görə, bu, son iki gün ərzində Trampla ikinci telefon danışığı olub.
Ukrayna lideri söhbəti “çox məhsuldar” adlandırıb.
Zelenski ötən gün razılaşdırdıqları mövzuları müzakirə etdiklərini bildirib.
Ukrayna liderinin sözlərinə görə, dövlət başçıları təmasları davam etdirmək barədə razılığa gəliblər.
Tətbiqimizi yükləyə bilərsiniz
