100 yaşına qədər ölkəni idarə etmək istəyir

Kamerunun 92 yaşlı prezidenti Pol Biya səkkizinci müddətə namizəd olmaq qərarına gəlib.
Yeniavaz.com xəbər verir ki, bu barədə “The Guardian” qəzeti məlumat yayıb.
Biya prezident seçkilərində qalib gəlsə, o, 100 yaşına qədər Afrika ölkəsini idarə edəcək.
Kamerunda seçkilər ikinci tur olmadan keçirilir. Belə ki, qalib 50 faizdən az səs toplasa belə, ən çox səs toplayan namizəd qalib hesab edilir.
43 ildir (1982-ci ildən) hakimiyyətdə olan Pol Biya istefaya çağırışları rədd edir. Müxalifət seçkilərdə 11 namizəd irəli sürür. Lakin müşahidəçilər hesab edirlər ki, onların Biyaya ciddi meydan oxumaq üçün birliyi yoxdur.
İctimai yerlərdə nadir hallarda görünən Biya çərşənbə axşamı ilk və yeganə təşviqat mitinqini keçirdi. Şimaldakı Maroua şəhərindəki stadionda o, yenidən seçiləcəyi təqdirdə təhlükəsizliyi gücləndirəcəyini, işsizliyi azaldacağını, sosial infrastrukturları yaxşılaşdıracağını vəd edib.
Qeyd edək ki, Kamerun lideri dünyanın ən uzun müddətdir hakimiyyətdə olan prezidentidir. O, yalnız Ekvatorial Qvineyadan Teodoro Obianq Nqema Mbasoqodan sonra ikinci ən uzunömürlü liderdir.
Xatərladaq ki, Biya daha bir müddətə namizəd olmaq niyyətini iyul ayında açıqlayıb.
“Əmin olun ki, mənim sizə xidmət etmək əzmim üzləşdiyimiz problemlərin ağırlığı ilə üst-üstə düşür. Biz birlikdə istənilən maneəni dəf edə bilərik", - o, sosial şəbəkə hesabında yazıb.