Düşənbədə keçirilən MDB sammitində Rusiya Prezidenti Vladimir Putin və Ermənistanın Baş naziri Nikol Paşinyan arasında ikitərəfli ticarət dövriyyəsi ilə bağlı fikir ayrılığı yaranıb.
Yeniavaz.com TASS-a istinadla xəbər verir ki, Rusiya Prezidenti Ermənistan Baş nazirinə “Ermənistanla ticarət dövriyyəmiz nə qədər artıb?” - deyə sual ünvanlayıb.
“Bu il artıq 4 milyard dollardır”, - deyə Ermənistanın Baş naziri cavab verib.
“Xeyr”, - deyə Rusiya Prezidenti bununla razılaşmayıb.
“Daha çox”, - o bildirib.
“Keçən il təxminən 9 milyard idi”, - deyə Paşinyan sözünü düzəltməyə çalışıb.
“Daha çox”, - deyə Putin əlavə edib.
“Keçən il daha çox idi, bu il də daha çox olacaq. Bu, sadəcə olaraq, göz qabağındadır”, - Putin bildirib.
Qeyd edək ki, Moskvanın rəsmi məlumatına görə, Rusiya ilə Ermənistan arasında qarşılıqlı ticarət dövriyyəsi 2024-cü ildə ciddi artım nümayiş etdirərək 11,7 milyard dollara çatıb.
Tətbiqimizi yükləyə bilərsiniz
