“İsrail ordusuna məxsus pilotsuz uçuş aparat (PUA) Qəzzanın qərbində, köçkünlər üçün sığınacaq kimi xidmət edən Yarmuk məktəbinə hücum edib”.
Yeniavaz.com xəbər verir ki, bu barədə “Al Mayadeen” məlumat yayıb.
Bildirilib ki, bir neçə fələstinli yaralanıb və yaxınlıqdakı Baptist Xəstəxanasına aparılıb.
Telekanalın məlumatına görə, günorta saatlarında İsrailin artilleriya atəşinə məruz qalan Qəzzanın mərkəzində yerləşən Nuseyrat qaçqın düşərgəsində də itkilər qeydə alınıb.
Xatırladaq ki, daha öncə ABŞ Prezidenti Donald Tramp İsrail və Fələstinin HƏMAS hərəkatının nümayəndələrinin Misirdə bütün girovların yaxın gələcəkdə azad edilməsini və İsrail qoşunlarının Qəzza zolağının daxilində razılaşdırılmış xəttə çıxarılmasını nəzərdə tutan sülh planının birinci mərhələsi üzrə danışıqlardan sonra razılığa gəldiyini açıqlayıb.
Tətbiqimizi yükləyə bilərsiniz
