AZAL Bakı-Füzuli-Bakı aviareysi üçün dövlət qurumlarından nə qədər pul alır?

Dövlət Şəhərsalma və Arxitektura Komitəsi “Azərbaycan Hava Yolları” QSC (AZAL) ilə satınalma müqaviləsi imzalayıb.
Yeniavaz.com xəbər verir ki, müqavilənin şərtlərinə görə AZAL Komitəyə Bakı-Füzuli-Bakı istiqamətində hava daşımaları xidmətləri göstərəcək və qarşılığnda 123 min 420 manat alacaq.
Məlumat üçün bildirək ki, son zamanlar müxtəlif dövlət qurumları Bakı-Füzuli-Bakı istiqamətində hava daşımaları xidməti üçün AZAL ilə müqavilələr bağlayır. Belə ki, Medianın İnkişafı Agentliyi Bakı-Füzuli-Bakı istiqamətində həyata keçiriləcək gediş-gəliş uçuşu üçün AZAL-a 69 min 190 manat, Xarici İşlər Nazirliyi 45 min 730 manat, Gənclər və İdman Nazirliyi 66 min 980 manat, İnsan Hüquqları Üzrə Müvəkkil (Ombudsman) 28 min 900 manat ödəyib.

Elnur Əli