Melonini məhkəməyə verdilər

İtaliyanın Baş naziri Corca Meloni, müdafiə naziri Quido Krosetto, xarici işlər naziri və baş nazirin müavini Antonio Tayani və İtaliyanın “Leonardo” holdinqinin baş direktoru Roberto Çinqolani haqqında Beynəlxalq Cinayət Məhkəməsinə (BCM) şikayət daxil olub.
Yeniavaz.com xəbər verir ki, bu barədə "La Repubblica" qəzeti məlumat yayıb.
“Mən, nazirlər Krosetto və Tayani və “Leonardo” holdinqinin baş direktoru Çinqolani Beynəlxalq Cinayət Məhkəməsində Qəzza zolağında fələstinlilərin soyqırımında iştiraka görə məhkəməyə verildik. İnanıram ki, dünyada və ya tarixdə belə bir ittihamla bağlı başqa bir hal yoxdur”, - Meloni bildirib.
Qeyd edək ki, İtaliyanın Baş naziri Corca Meloni açıq şəkildə rəqiblərini daxili siyasi mübarizələrdə “Fələstin məsələsindən istifadə etməkdə” ittiham edir. Onun rəhbərlik etdiyi koalisiya üç il əvvəl parlament seçkilərində qalib gələrək, 40%-lik həddi keçib. Bununla belə, səsvermədə əhalinin 50%-dən bir qədər çoxu iştirak edib.