ABŞ İsrailə hərbi yardım üçün nə qədər xərcləyib?

Qəzza münaqişəsinin iki ili ərzində ABŞ hökuməti İsrailə hərbi yardım üçün 21,7 milyard dollar xərcləyib.
Yeniavaz.com xəbər verir ki, bu barədə Braun Universitetinin Müharibənin Xərcləri Layihəsi tədqiqat mərkəzinin hesabatında deyilir.
Araşdırmada qeyd edilir ki, bu rəqəm qarşıdakı illərdə ödəniləcək və təhvil veriləcək on milyardlarla dollarlıq silah satışı müqavilələrini əks etdirmir. Bildirilib ki, bu, Amerika silahlarının, döyüşə hazır təyyarələrin, hücum və nəqliyyat helikopterlərinin İsrail Müdafiə Qüvvələrinin (IDF) və İsrail Polisinin Qəzza zolağında, İordan çayının qərb sahilində və onun hüdudlarından kənarda həyata keçirdiyi əməliyyatlarda əsas rol oynayır. 
Mütəxəssislərin fikrincə, ABŞ 2023-cü il oktyabrın 7-dən İsrailin bölgədəki hərbi əməliyyatlarına əlavə olaraq 9,65-12,07 milyard dollar xərcləyib. İki il ərzində İsrailin iştirak etdiyi hərbi münaqişələr ərzində ABŞ-nin ümumi xərcləri təxminən 33,77 milyard dollar təşkil edir.