Türkiyəli tanınmış tarix professoru İlber Ortaylı ötən həftə Naxçıvan Muxtar Respublikasında olub.
Yeniavaz.com xəbər verir ki, o bu barədə öz sosial media hesabında məlumat yayıb, fotolar dərc edib.
Naxçıvandakı kənd musiqi məktəbləri Ortaylını təəccübləndirib:
“Diqqətimi bir detal çəkdi: kəndlərdə belə musiqi məktəblərinin olması, həmçinin Naxçıvan Dövlət Universitetinin 150 nəfərlik simfonik orkestrinin olması. Fəxr etdim, buna heyran oldum və öz-özümə sual verməyə bilmədim: “Atatürkün musiqidə inqilab etdiyi bizim ölkədə niyə yoxdur?”.
Professor, həmçinin Naxçıvandan xoş təəssüratlarla ayrıldığını bildirib, buranın mətbəxinə, memarlığına, yaşıllığına heyranlığını gizlətməyib. Ortaylı İran, Avropa və Anadolunun Naxçıvanda birləşdiyini qeyd edib.
Tətbiqimizi yükləyə bilərsiniz
