Bu günə qədər Qəzzada 1700-dən çox tibb işçisi öldürülüb

Anklavda hərbi əməliyyatlar başlayandan bəri İsrailin Qəzza zolağını bombalaması və ya atəşə tutması nəticəsində 1700-dən çox tibb işçisi həlak olub.
Yeniavaz.com “Əl-Cəzirə” telekanalına istinadla xəbər verir ki, bu barədə Qəzza Səhiyyə Nazirliyi məlumat yayıb.
“İsrailin hərbi əməliyyatları nəticəsində Qəzzada tibb işçiləri arasında bu gün ölənlərin sayı 1723 nəfərə çatıb”, - nazirlikdən bildirilib.
Məlumata görə, hərbi əməliyyatlar zamanı 38 xəstəxana artilleriya və ya hava zərbələrinə məruz qalıb.
Nazirliyin məlumatına görə, hazırda 40 xəstəxanadan yalnız 15-i qismən işləməkdə davam edir.
Səhiyyə Nazirliyi həmçinin qeyd edib ki, İsrail hakimiyyətinin Qəzzaya yanacaq tədarükünə indiki qadağası həm səhiyyə sektoru, həm də bütün anklav üçün dəhşətli bir fəlakət təhlükəsi yaradır.