BMT-nin 2026-cı il büdcəsi 2024-cü illə müqayisədə 15% - 500 milyon dollar azaldıla bilər.
Yeniavaz.com xəbər verir ki, BMT-nin baş katibi Antonio Quterreş bu təkliflə 2026-cı il büdcə təxminlərinə yenidən baxdıqdan sonra çıxış edib.
Quterreş üzv dövlətlərə məktubunda qeyd edib ki, resursların bölüşdürülməsini təhlil edərkən, BMT Nizamnaməsinin üç sütunu: sülh və təhlükəsizlik, insan hüquqları və davamlı inkişaf arasında balans qorunub saxlanılıb.
O izah edib ki, azalmalar sülhməramlı missiyaya dəstək büdcəsinə təsir edəcək. Bundan əlavə, xərcləri azaltmaq üçün bəzi funksiyaların Nyu-York və Cenevrədən daha ucuz yerlərə köçürülməsi planlaşdırılır. Beynəlxalq təşkilat 2027-ci ilə qədər Nyu-Yorkda iki binanın icarəyə verilməsini dayandırmağı planlaşdırır.
Yekun büdcə qərarı 2025-ci ilin dekabrında veriləcək.
Tətbiqimizi yükləyə bilərsiniz
