Rusiyalı müğənni Alla Puqaçovanın jurnalist Katerina Qordeeva ilə uzun müsahibəsi beş gün ərzində “YouTube”da 16 milyondan çox insan tərəfindən izlənilib.
Yeniavaz.com xəbər verir ki, üç saat yarımdan çox davam edən videomüsahibə “Skaji Gordeyevoy” kanalında ən çox baxılan videoya çevrilib.
Rusiya KİV diqqət çəkib ki, baxış sayı Rusiya hakimiyyətinin bir il ərzində video xidmətin sürətini azaldmağına və bloklamağına baxmayaraq toplanıb.
Puqaçova ilə video yayımlanmazdan əvvəl kanalda ən populyar video Artur Smolyaninovla müsahibə olub. O, yayımlandıqdan sonra üç il ərzində 9,3 milyon baxış toplayıb.
Sosial şəbəkələrin rusdilli istifadəçiləri arasında Puqaçovanın müsahibəsi əsas müzakirə mövzularından biri olaraq qalır. Artıq “YouTube”da videonun altına 135 mindən çox şərh yazılıb.
Tətbiqimizi yükləyə bilərsiniz
