Rusiyada Məmmədəli Ağayevə iş açıldı

Moskva Akademik Satira Teatrının keçmiş direktoru Məmmədəli Ağayevə qarşı külli miqdarda dələduzluq ittihamı irəli sürülüb.
Yeniavaz.com xəbər verir ki, bu barədə TASS-a Moskva prokurorluğundan bildirilib.
“Paytaxt teatrlarından birinin keçmiş direktoru bir qrup şəxs tərəfindən qabaqcadan əlbir olaraq, xüsusilə külli miqdarda (Rusiya Federasiyası Cinayət Məcəlləsinin 159-cu maddəsinin 4-cü hissəsi) dələduzluqda ittiham olunur”, - istintaq orqanının məlumatında deyilir.
Bildirilib ki, tamamlanan işlərlə bağlı uydurma hesabatlar əsasında təqsirləndirilən şəxs və onun “əlaltıları” 20 milyon rubla yaxın (təxminən 422 min manat) vəsaiti məniməsiyblər:
“Yaxın vaxtlarda onun barəsində qabaqlayıcı tədbir seçiləcək”.
Qeyd edək ki, 1952-ci ildə Naxçıvan şəhərinin Qaraxanbəyli kəndində dünyaya gəlmiş M. Ağayev 1985-ci ildən Moskva Akademik Satira Teatrında baş inzibatçı, rejissor köməkçisi, direktor müavini, idarəedici direktor vəzifələrində çalışıb. O, 1992-ci ilin noyabrından 2021-ci ilin dekabrınadək isə Moskva Akademik Satira Teatrının direktoru olub.