“Ukrayna xüsusi xidmət orqanları “Telegram” və “WhatsApp”da aktiv işləyirlər”.
Yeniavaz.com xəbər verir ki, bu barədə Rusiya Federal Təhlükəsizlik Xidmətinin (FTX) İctimaiyyətlə Əlaqələr Mərkəzi məlumat yayıb.
Bildirilib ki, bu messencerlərdən Ukrayna xüsusi xidmət orqanları Rusiya vətəndaşlarını təxribat və terror fəaliyyətlərinə cəlb etmək üçün istifadə edirlər:
“Vətəndaşların sadəlövhlüyündən istifadə edən işə götürənlər öz qurbanlarını ağır və xüsusilə ağır cinayətlər törətməyə məcbur edirlər ki, bu cinayətlərə görə uzunmüddətli həbslər nəzərdə tutulur”.
Xatırladaq ki, avqustun əvvəlində Rusiyada istifadəçilər “Telegram” və “WhatsApp”da videozənglərin bloklandığından şikayət etməyə başlayıblar. “Roskomnadzor” elan etdi ki, messencerlərdəki zənglər cinayətkarlara qarşı mübarizə üçün qismən məhduddur. Agentlik bunu fırıldaqçılara qarşı mübarizənin zəruriliyi və messencer administrasiyalarının bu məsələdə səlahiyyətlilərlə əməkdaşlıqdan imtina etməsi ilə izah edib.
Tətbiqimizi yükləyə bilərsiniz
