ABŞ Prezidenti Donald Tramp Alyaskada rusiyalı həmkarı Vladimir Putinlə görüşündən sonra Avropa liderlərinə Ukraynanın Donbasın bütün ərazisini, o cümlədən rus qoşunları tərəfindən hələ də azad edilməmiş əraziləri Rusiyaya verməsini nəzərdə tutan sülh planı təklif edib.
Yeniavaz.com xəbər verir ki, bu barədə “The New York Times” Avropa rəsmilərinə istinadən məlumat yayıb.
Onların sözlərinə görə, Tramp hesab edir ki, Volodimir Zelenski Donbasın qalan hissəsini Rusiyaya verməyə razılaşarsa, tezliklə sülh razılaşması əldə oluna bilər. Bunun müqabilində hazırkı cəbhə xəttində atəşkəs olacaq və həm Kiyev, həm də Avropa üçün təhlükəsizlik zəmanətləri qüvvədə olacaq.
Qeyd edək ki, Tramp Putinlə görüşü gözəl və məhsuldar adlandırıb. Bundan sonra o, Volodimir Zelenskiyə və Aİ ölkələrinin liderlərinə, NATO-nun baş katibi Mark Rutte və Avropa Komissiyasının sədri Ursula fon der Lyayenə zəng edib. Sammitdən və telefon danışıqlarından sonra Tramp deyib ki, çox vaxt müşahidə olunmayan atəşkəs yaratmaqdansa, dərhal sülh sazişinin bağlanmasına keçmək daha yaxşıdır. Onun sözlərinə görə, həmsöhbətlərinin hamısı bununla razılaşır.
Tətbiqimizi yükləyə bilərsiniz
