Qəzzada aclıqdan ölənlərin sayı 235-ə çatdı

Son 24 saat ərzində Qəzzada 8 nəfər aclıqdan dünyasını dəyişib.
Yeniavaz.com xəbər verir ki, bu barədə anklavın Səhiyyə Nazirliyi məlumat yayıb.
“Beləliklə, aclıq və qida çatışmazlığından ölənlərin ümumi sayı 235-ə çatıb. Onlardan 106-sı uşaqdır”, - məlumatda bildirilib.
Nazirliyin son məlumatına görə, 2023-cü ilin oktyabr ayından bu yana anklavda davam edən münaqişənin qurbanlarının ümumi sayı 61 722 nəfərə çatıb, 154 000-dən çox insan xəsarət alıb.
Xatırladaq ki, 2025-ci il martın 2-dən sektora heç bir beynəlxalq humanitar yardım daxil olmayıb və İsrail dövlətinin səlahiyyətli orqanlarının qərarı ilə bütün keçid məntəqələri bağlı qalıb.