Rusiya Ermənistanla Azərbaycan arasında “Beynəlxalq sülh və tərəqqi üçün Tramp marşrutu” adlandırılacaq nəqliyyat dəhlizi layihəsinin detallarını öyrənmək niyyətindədir.
Yeniavaz.com TASS agentliyinə istinadla xəbər verir ki, bunu brifinqdə Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksey Fadeyev deyib.
“Tramp yolu”na gəlincə, Rusiya Xarici İşlər Nazirliyi hələlik ictimaiyyətə açıqlanmayan layihənin detallarını öyrənəcək. Cənubi Qafqazda regiondankənar qüvvələrin bu işə cəlb olunması sülh gündəmini irəli aparmalı, yeni problemlər və yeni bölgü xətləri yaratmamalıdır”, - o bildirib.
Fadeyev qeyd edib ki, regionda nəqliyyat kommunikasiyalarının açılması ilə bağlı qərarlar hazırlanarkən Ermənistanın Avrasiya İqtisadi İttifaqına (Aİİ) üzvlüyü və Rusiya sərhədçilərinin Sünik vilayətində mövcudluğu kimi amilləri nəzərə almaq lazımdır.
Tətbiqimizi yükləyə bilərsiniz
