Bu ilin yanvar-iyul aylarında Rusiyanın Sverdlovsk vilayətindən 1 000-ə yaxın miqrant öz vətənlərinə deportasiya edilib.
Yeniavaz.com Rusiya mətbuatına istinadən xəbər verir ki, qovulanların əksəriyyəti Mərkəzi Asiya ölkələrinin vətəndaşlarıdır.
Qeyd edilir ki, göstərilən müddət ərzində Tacikistandan 428, Özbəkistandan 298, Qırğızıstandan isə 133 qeyri-qanuni mühacir vətənlərinə göndərilib. Deportasiya edilənlər siyahısında 33 azərbaycanlı da olub.
Gürcüstan, Misir və Çindən olan azsaylı xarici vətəndaşlar da (1 nəfərdən 6 nəfərə qədər) rayon ərazisini tərk etmək məcburiyyətində qalıb.
Bildirilir ki, deportasiya edilən şəxslərin hamısı Rusiyaya işə düzəlmək məqsədi ilə gəlsələr də, qanuni əsas olmadan ölkədə olublar.
Tətbiqimizi yükləyə bilərsiniz
