“Barselona” sentyabrda “Kamp Nou”ya qayıtmağa hazırlaşır

“Barselona”nın futbolçuları bu payızda yenidən əfsanəvi “Kamp Nou”da oynaya biləcəklər.
Yeniavaz.com xəbər verir ki, bu barədə “Mundo Deportivo” məlumat yayıb.
Mənbənin sözlərinə görə, şəhər şurası arenanın lisenziyalaşdırılmasını təsdiqləyib və stadionda müvəqqəti ot örtüyünün salınması mərhələsi başa çatıb - tam meydançanın quraşdırılmasına başlanılıb. Əgər yenidənqurma işləri qrafikə uyğun başa çatdırılsa, “Barsa” sentyabrın ortalarında yenilənmiş arenaya qayıdacaq. Yekun tarix avqustda elan olunacaq. İlk qarşılaşmaların qismən açıq tribunalarla keçirilməsi planlaşdırılır.
Xatırladaq ki, stadionun yenidən qurulmasına 2022-ci ildə başlanılıb. Bütün bu müddət ərzində komanda Lyuis Kompanis adına Olimpiya Stadionunda çıxış edib.