ABŞ Prezidenti Donald Tramp Ukraynada nizamlanma üzrə razılığa gəlmək üçün əvvəllər Moskvaya verdiyi 50 günlük müddəti qısaltmağı planlaşdırır.
Yeniavaz.com xəbər verir ki, o bu barədə Şotlandiyanın Turnberi şəhərində Britaniyanın Baş naziri Key Starmer ilə görüşdə jurnalistlərin suallarını cavablandırarkən danışıb.
“Mən bu 50 günü daha kiçik bir rəqəmə endirəcəm. Çünki düşünürəm ki, cavabı artıq bilirəm, nə olacağını bilirəm”, - Tram deyib.
Tramp bildirib ki, ötən müddətdə Ukrayna ilə bağlı razılaşma 4-5 dəfə işlənib hazırlana bilərdi.
İyulun 14-də Amerika prezidenti bəyan edib ki, Vaşinqton və Moskva 50 gün ərzində Ukraynada nizamlanma ilə bağlı razılığa gəlməsələr, ABŞ Rusiya və onun ticarət tərəfdaşlarına təxminən 100% idxal rüsumları tətbiq edəcək. O, həmçinin Kiyevə silah və hərbi texnika ötürməyə davam etmək qərarına gəlib.
Tətbiqimizi yükləyə bilərsiniz
