Azərbaycanlı blogerə qarşı Rusiyada ittiham irəli sürüldü

Rusiya İstintaq Komitəsinin müstəntiqləri azərbaycanlı bloger Suboya (Sübhan Məmmədovu) qarşı qiyabi olaraq ittiham irəli sürüblər.
Yeniavaz.com TASS-a istinadla xəbər verir ki, bu barədə İstintaq Komitəsinin Moskva vilayəti üzrə Baş İstintaq İdarəsinin mətbuat xidməti məlumat yayıb.
“Rusiya İstintaq Komitəsinin Moskva vilayəti üzrə Baş İstintaq İdarəsinin istintaq orqanları bloger Sübhan Məmmədova qarşı qiyabi ittiham irəli sürüb. O, xüsusilə külli miqdarda vergidən yayınmada və cinayət yolu ilə əldə edilmiş pul vəsaitlərinin yuyulmasında (Rusiya Cinayət Məcəlləsinin 198-ci maddəsinin 2-ci hissəsi və Rusiya Cinayət Məcəlləsinin 41-ci maddəsinin 41-ci hissəsinin "b" bəndi) ittiham olunur. Bundan başqa, onun qardaşı və atasına qarşı yuxarıda qeyd olunan cinayətləri törətməkdə ittiham olunaraq artıq ittiham irəli sürülüb”, - məlumatda qeyd edilib.
İstintaq müəyyən edib ki, 2020-ci ildən 2022-ci ilə qədər müttəhimlər vergidən yayınma sxemi yaradıblar, nəticədə 50 milyon rubldan çox vəsait dövlətin gəlirinə daxil olmayıb.
Sonradan cinayət yolu ilə əldə etdikləri 10 milyon rubl məbləğində vəsaitlə premium avtomobil almaqla maliyyə əməliyyatları həyata keçiriblər.
Vergilərin vaxtında ödənilməməsi səbəbindən 20 milyon rubl cərimə və cərimə borcu yığılıb.
“Hazırda blogerin atası və qardaşı dəymiş ziyanın ödənilməsi prosesinə başlayıblar. Artıq 9 milyon rubl Federal Vergi Xidmətinin hesablarına daxil olub. Sübhan Məmmədov barəsində axtarış elan edilib", - Regional İstintaq Komitəsi əlavə edib.