Türkiyə Milli İstihbarat Təşkilatının (MİT) direktoru İbrahim Kalın “Terrordan Azad Türkiyə” prosesi çərçivəsində parlamentdə təmsil olunan partiyalara planlı səfərlərini davam etdirir.
Yeniavaz.com Türkiyə mətbuatına istinadən xəbər verir ki, daha əvvəl Demokrat Partiyası (DEM) və Milliyyətçi Hərəkat Partiyasını (MHP) ziyarət edən Kalın bu dəfə Cümhuriyyət Xalq Partiyasına (CHP) baş çəkib.
Əvvəlcə saat 17:30-da başlaması nəzərdə tutulan görüş, meşə yanğınlarında həyatını itirən işçilərin dəfn mərasimi ilə əlaqədar olaraq 18:20-də başlayıb. Görüşün ilk 35 dəqiqəsi qapalı keçirilib. Daha sonra iclas CHP sədri Özgür Özəlin iştirakı ilə geniş tərkibdə davam etdirilib.
Məlumata əsasən, Kalın heyətə “Terrordan Azad Türkiyə” prosesi ilə bağlı təqdimat edib.
Ümumilikdə 1 saat 45 dəqiqə davam edən görüş, Kalının indiyədək siyasi partiyalarla keçirdiyi görüşlər arasında ən uzun müddətli olanı kimi yadda qalıb. Toplantıdan sonra nə Kalın, nə də CHP nümayəndələri mətbuata hər hansı açıqlama veriblər.
Tətbiqimizi yükləyə bilərsiniz
