Estoniya hökuməti Belarus prezidenti Aleksandr Lukaşenkonun, o cümlədən Belarusun 273 vətəndaşının ölkəyə girişinə müddətsiz qadağa qoyulması barədə qərar qəbul edib.
Yeniavaz.com xəbər verir ki, bu barədə Estoniya Xarici İşlər Nazirliyinə istinadla ERR dövlət televiziyası və radiosu məlumat yayıb.
“Sanksiyaların tətbiqindən sonra demək olar ki, beş il ərzində Belarusda heç bir müsbət dəyişiklik baş verməyib”, - xarici işlər naziri Marqus Tsaxkna bildirib.
Sanksiya siyahısına Lukaşenkodan başqa Belarusun yüksək rütbəli məmurları, hakimləri və təhlükəsizlik işçiləri də daxildir.
Qeyd edək ki, Tallin 2020-ci ildə Minskə qarşı sanksiyalar tətbiq edib.
Tətbiqimizi yükləyə bilərsiniz
