“Truth Social” sosial şəbəkəsinin sahibi olan “Trump Media and Technology Group” (TMTG) media şirkəti bitkoinə investisiyalarının 2 milyard dollara çatdığını açıqlayıb.
Yeniavaz.com xəbər verir ki, bu barədə məlumat şirkətin press-relizində öz əksini tapıb.
Məlumata görə, şirkət bu məbləğə bitkoin və onunla bağlı qiymətli kağızlar alıb.
Şirkət bildirib ki, hazırda bitkoin aktivləri “Trump Media”nın likvid aktivlərinin təxminən üçdə ikisini təşkil edir və onların dəyəri təxminən 3 milyard dollardır.
Məlumatda vəsaitin nə qədərinin bitkoinin özünə, nə qədərinin bitkoinlə bağlı qiymətli kağızlara xərcləndiyi açıqlanmayıb.
Eyni zamanda, şirkət bitkoinlə bağlı qiymətli kağızlar üzrə opsionların alınması strategiyasına təxminən 300 milyon dollar əlavə kapitalın ayrıldığını bildirib.
Qeyd edək ki, ABŞ Prezidenti Donald Tramp şirkətin səhmlərinin təxminən 60 faizinə sahibdir.
Tətbiqimizi yükləyə bilərsiniz
