İtaliya çempionatının bombardiri Səudiyyə klubuna keçdi

“Atalanta”nın hücumçusu Mateo Reteqi Səudiyyə Ərəbistanı çempionatından “Əl-Qadisiyyə” klubuna keçib.
Yeniavaz.com xəbər verir ki, bu barədə Səudiyyə klubu “X” sosial şəbəkəsindəki rəsmi hesabında məlumat yayıb.
Məlumata görə, futbolçunun yeni komandası ilə müqaviləsi 2028-ci ilin yayına kimi qüvvədədir.
Qeyd edək ki, Mateo “River Pleyt” və “Boka Xuniors” klublarının yetirməsidir.
Reteqi 2024/2025 mövsümünün başa çatan İtaliya çempionatının bombardiri olub. Belə ki, İtaliya millisinin forvardı A Seriyasında 36 oyunda 25 qol vurub.
Xatırladaq ki, “Əl-Qadisiyyə” Səudiyyə Ərəbistanı çempionatının nəticələrinə görə turnir cədvəlində dördüncü yeri tutub.