Təmsilçilərimizin Konfrans Liqasındakı potensial rəqibləri bəlli oldu

UEFA Konfrans Liqasının III təsnifat mərhələsinin püşkatma mərasimi keçirilib.
Yeniavaz.com xəbər verir ki, püşkatmada Azərbaycan klublarının potensial rəqibləri müəyyənləşib.
Belə ki, III təsnifat mərhələsində “Petrokub” (Moldova) - “Sabah” cütünün qalibi “Levski” (Sofiya, Bolqarıstan) – “Braqa” (Portuqaliya) cütünün qalibi ilə görüşəcək.
“Zirə” - “Hayduk” (Xorvatiya) cütünün qalibi isə “Atletik Klub Eskaldes” (Andorra) – “Dinamo Siti” (Albaniya) cütünün qalibi ilə qarşılşacaq.
“Araz-Naxçıvan” (Azərbaycan) – “Aris” (Yunanıstan) cütünün qalibi isə “Omoniya” (Kipr) – “Torpedo” (Gürcüstan) cütünün qalibi ilə görüşəcək.
Qeyd edək ki, Konfrans Liqasında III təsnifat mərhələsində ilk görüşlər 19-20 avqustda, cavab oyunları isə 26-27 avqustda baş tutacaq.