Qəzzada son 24 saatda 56 fələstinli öldü

İsrailin Qəzza zolağına hücumları nəticəsində son 24 saatda ən azı 56 fələstnli həlak olub.
Yeniavaz.com xəbər verir ki, bu barədə Qəzza Səhiyyə Nazirliyinə istinadla “Əl-Cəzirə” telekanalı məlumat yayıb.
Məlumata görə, anklavın şimal hissəsində 40-dan çox, o cümlədən humanitar yardım paylama məntəqələrində 14 fələstinli həlak olub.
İsrail qüvvələrinin köçkünlər üçün çadırların yerləşdiyi məktəb ərazisini atəşə tutması nəticəsində sektorun cənub hissəsində daha 9 mülki şəxs öldürülüb.
Qəzza Səhiyyə Nazirliyinin məlumatına görə, bununla da İsrailin Fələstin anklavına qarşı apardığı müharibədə ölənlərin sayı 58 667, yaralananların sayı 139 974 nəfərə çatıb.