İsrailin Suriyaya etdiyi hücumlara Türkiyədən – Reaksiya


Türkiyənin Xarici İşlər Nazirliyi İsrailin Dəməşqə qarşı hücumları ilə bəyanat yayıb.
Yeniavaz.com
xəbər verir ki, bəyanat qurumun rəsmi saytında dərc olunub.
“İsrailin Suriyanın cənubuna qarşı hərbi müdaxilələrindən sonra bu dəfə Dəməşqin mərkəzinə həyata keçirdiyi hücumlar Suriya tərəfindən sülh, sabitlik və təhlükəsizliyin təmin edilməsi üçün göstərilən səylərə qarşı sabotaj cəhdidir”, - bəyanatda deyilir.
Qeyd olunub ki, Suriya xalqının qarşısında sakit və təhlükəsiz bir mühitdə yaşamaq və dünya ilə inteqrasiya olmaq üçün tarixi bir fürsət var:
“Bu fürsətin dəyərləndirilməsindən yana olan bütün tərəflər Suriya hökumətinin sabitliyi təmin etmək səylərinə töhfə verməlidir”.
Xatırladaq ki, bu gün İsrail ordusu Suriyanın paytaxtı Dəməşqə zərbələr endirib. Zərbələrin hədəfi Suriya Baş Qərargahının kompleksi olub.

DİGƏR XƏBƏRLƏR

Top