Ermənistanın Baş naziri Nikol Paşinyan, Ermənistan, Rusiya və Azərbaycan hökumətlərinin baş nazir müavinləri səviyyəsində yaradılan üçtərəfli işçi qrupunun (kommunikasiyaların açılması üzrə) artıq uzun müddətdir fəaliyyət göstərmədiyini açıqlayıb.
Yeniavaz.com xəbər verir ki, bunu Ermənistanın Baş naziri Nikol Paşinyan bu gün keçirdiyi mətbuat konfransında deyib.
Paşinyanın sözlərinə görə, işçi qrupunun fəaliyyətsiz qalmasının bir neçə səbəbi var. O qeyd edib ki, bu, ilk növbədə sənədlərdəki mətn uyğunsuzluqları ilə əlaqədardır:
“Bu, eyni zamanda praktiki problemlər və açığını desəm, qarşılıqlı inamsızlıq səbəbindən baş verib”.
Qeyd edək ki, müvafiq işçi qrupu 2021-ci ildə Rusiya Prezidenti Vladimir Putinin təşəbbüsü ilə yaradılıb və regionda nəqliyyat-kommunikasiya xətlərinin bərpası məqsədini daşıyırdı.
Tətbiqimizi yükləyə bilərsiniz
