Bu gecə Bakı şəhərinin Nərimanov rayonunda “Taxta bazarı” adlanan ərazidə yanğın baş verib.
Yeniavaz.com xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, Nazirliyin “112" qaynar telefon xəttinə hadisə barədə məlumat daxil olub və Dövlət Yanğından Mühafizə Xidmətinin qüvvələri çağırış üzrə cəlb olunub.
“Qüvvələrin operativ müdaxiləsi sayəsində qısa müddətdə yanğının yayılmasının qarşısı alınıb”, - FHN-in ilk məlumatında bildirilir.
Daha sonra qeyd olunub ki, yanğın mürəkkəbliyinə baxmayaraq geniş sahəyə yayılmasına imkan verilmədən məhdudlaşdırılıb.
Səhər saat 6 radələrində isə Nazirlik məlumat yayaraq yanğının tam söndürüldüyünü bildirib.
Tətbiqimizi yükləyə bilərsiniz
