Seul məhkəməsi Cənubi Koreyanın keçmiş prezidenti Yun Sok Yolun həbsinə order verib.
Yeniavaz.com xəbər verir ki, bu barədə “Yonhap” agentliyi məlumat yayıb.
“Seul məhkəməsi keçmiş prezident Yun Sok Yolun hərbi vəziyyətin tətbiqinə uğursuz cəhdi ilə bağlı onun həbsinə order verib”, - məlumatda bildirilib.
Qeyd edək ki, dekabrın 3-də Yun Sok Yol ölkədə hərbi vəziyyət rejimi elan edib və qərarını “Şimali Koreyayönlü qüvvələrin kökünü kəsmək və azad konstitusiya quruluşunu qorumaq” zərurəti ilə izah edib. Bir neçə saat sonra parlament rejimin ləğvinə səs verib.
Dekabrın 14-də Cənubi Koreya qanunvericiləri prezidentin impiçmentini dəstəkləyiblər. Prezidentin vəzifəsindən kənarlaşdırılmasının lehinə 204, əleyhinə 85 deputat səs verib. Dövlət başçısı vəzifəsini Baş nazir Han Dok Su icra edib.
Tətbiqimizi yükləyə bilərsiniz
