Federal Təhqiqatlar Bürosu (FTB) keçmiş Mərkəzi Kəşfiyyat İdarəsinin (MKİ) direktoru Con Brennan və FTB-nin keçmiş direktoru Ceyms Kominin ABŞ prezidenti Donald Trampın Rusiya ilə əlaqələrini və Moskvanın 2016-cı il seçkilərinə iddia edilən müdaxiləsini öyrənərkən yol verə biləcəyi pozuntuları araşdırır.
Yeniavaz.com xəbər verir ki, bu barədə ABŞ Ədliyyə Nazirliyindəki mənbələrə istinadən “Fox News” telekanalı məlumat yayıb.
Bildirilib ki, FTB onların Konqresə yalan ifadə verib-vermədiyini də araşdıracaq. Hazırda Mərkəzi Kəşfiyyat İdarəsinin direktoru Con Ratkliff FTB direktoru Keç Patelə Brennanın qanun pozuntularına dair sübutlar verib. Federal Təhqiqatlar Bürosu hesab edir ki, Brennan və Comi birgə cinayət törədiblər.
Xatırladaq ki, 2016-cı ildə ABŞ kəşfiyyat orqanları Rusiyanı ABŞ-dəki seçki prosesinə müdaxilədə ittiham edib. ABŞ-nin xüsusi prokuroru Robert Mueller bu iddia edilən təsir cəhdlərini araşdırıb. 2019-cu il aprelin 18-də ABŞ Ədliyyə Nazirliyi yekun hesabatını açıqladı və orada xüsusi prokuror seçkilərdə qalib gələn Trampla Rusiya arasında heç bir sövdələşmə tapmadığını etiraf etdi. Tramp dəfələrlə Rusiya rəsmiləri ilə hər hansı qeyri-münasib əlaqəyə dair iddiaları rədd edib. Moskva da ABŞ seçkilərinə təsir göstərmək cəhdlərinə dair iddiaları əsassız adlandırıb.
Tətbiqimizi yükləyə bilərsiniz
