ABŞ idxal rüsumlarından 300 milyard dollardan çox gəlir gözləyir

ABŞ yeni idxal rüsumlarından 300 milyard dollardan çox gəlir əldə edəcəyini gözləyir.
Yeniavaz.com xəbər verir ki, bu barədə Ağ Evdə ABŞ Prezidenti Donald Trampın kabinetinin iclasında ABŞ-nin maliyyə naziri Skot Bessent deyib.
O, həmçinin bu məbləği ilin sonuna qədər əldə edcəkələrini istisna etməyib.
Qeyd edək ki, aprelin 2-də Tramp 185 ölkə və ərazinin məhsullarına gömrük rüsumunun tətbiq ediləcəyini bəyan edib. 10%-lik universal tariflər aprelin 5-də, fərdi tariflər isə aprelin 9-da qüvvəyə minib. Həmin gün ABŞ Prezidenti bəzi cavab rüsumlarının 90 günlük dayandırıldığını elan edib ki, bu da Ağ Evin izah etdiyi kimi, ticarət məsləhətləşmələri ilə bağlıdır. Bu müddət ərzində 10% universal tarif qüvvədə qalıb.