
Böyük Britaniyanın “BAE Systems” şirkəti sifarişlər olmadığı üçün “Eurofighter Typhoon” döyüş təyyarələrinin istehsalını müvəqqəti dayandırıb.
Yeniavaz.com xəbər verir ki, bu barədə “Financial Times” (FT) qəzeti məlumat yayıb.
Məlumata görə, Uortonda yerləşən zavod 2017-ci ildə imzalanmış 5 milyard funt-sterlinqlik müqavilə çərçivəsində son təyyarəni Qətərə təhvil verməyə hazırlaşır.
Digər tərəfdən, martın sonunda “The Times” qəzeti yazıb ki, Böyük Britaniya ABŞ-dən növbəti partiya F-35 qırıcıları almağa hazırlaşır. Üstəlik, Böyük Britaniya bu təyyarələri “Eurofighter Typhoon” təyyarələrinin yerinə almağı nəzərdə tutur.